Қабрнинг сифати


 Қабр икки хил – кифоя қилгудек ёки мукаммал бўлади.
«Кифоя қилгудек» деганимиз одам бўйининг ярмигача чуқурликда кавлангани бўлади.

«Мукаммал»и эса одам бўйи баробар, узунлиги маййитнинг узунлигича, кенглиги эса маййит узунлигининг ярми миқдорича қилиб кавлангани бўлади .[1]
Қабр икки хил кавланади:
1.    Лаҳад: ерни тўғри кавлаб, сўнгра унинг қибла томонидан ўлик учун алоҳида айвон очиш услубидаги қабр;
2.    Шаққ – ёрма: пастга тўғри кавлаб тушиб, кавланган жойнинг ўртасидан яна озгина кавлаб,  жасад учун жой тайёрлаш услубидаги қабр;
Уламолар лаҳад қилиб кавлаш шаққ қилишдан афзалроқ эканида якдил фикрдалар.

عَنِ ابْنِ عَبَّاسٍ عَنِ النَّبِيِّ قَالَ: اللَّحْدُ لَنَا وَالشَّقُّ لِغَيْرِنَا. رَوَاهُ أَصْحَابُ السُّنَنِ وَأَحْمَدُ.

Ибн Аббос розияллоҳу анҳудан ривоят қилинади:
Набий соллаллоҳу алайҳи васаллам:
«Лаҳад бизларга, шаққ биздан бошқаларга», дедилар.
Сунан эгалари ва Аҳмад ривоят қилганлар.
Бу ҳадисдан икки услубдан бирини ихтиёр қилиш имкони бўлса, лаҳад услуби афзал кўрилишини ва у биз мусулмонларга хос эканини, бошқа миллатлар эса шаққни ихтиёр қилишганини тушуниш мумкин. Амалда ҳам мусулмонлар ернинг тузилиши имкон бермагандагина шаққ қазийдилар. Бошқа миллатлар эса ҳар қандай шароитда ҳам шаққни танлайдилар.

«Ал мавсуатул-Фиқҳиятул-Кувайтийя», Қувайт, Дорус Салосил.


10 ой аввал 1697 fiqh.uz
Мавзуга оид мақолалар
МАҚОЛА: АҚИЙДА
Азанинг муддати
Аза муддати уч кундир. Уламолар бунга Умму Ҳабиба розияллоҳу анҳо Расулуллоҳ соллаллоҳу алайҳи васалламдан ривоят қилган ҳадисни далил қилиб келтирадилар:  لاَ يَحِل لاِمْرَأَةٍ تُؤْمِنُ давоми...
3 йил аввал 2843 fiqh.uz
МАҚОЛА: АҚИЙДА
Жасадни бошқа юртга кўчириш
Ўлган одамнинг жони узилган шаҳарга ёки қишлоққа кўмиш мустаҳаб амалдир. Уни вафот топган жойидан бошқа бир жойга кўчиришни кўпчилик уламоларимиз макруҳ, деганлар ва бу ишнинг макруҳлигининг бир неча сабабларини давоми...
3 йил аввал 1645 fiqh.uz
МАҚОЛА: АҚИЙДА
Қабр зиёрати одоблари
Авволо, ниятни тўғриламоқ, ихлос билан, холис Аллоҳ учун зиёрат қилиш лозим; Зиёрат пайтида таҳоратли бўлиш суннатдир; Қисқа муддат бўлса ҳам, дунё машғулотларини тарк этиб, охиратни ўйлаш; Зиёратгоҳда давоми...
11 ой аввал 1360 fiqh.uz
МАҚОЛА: АҚИЙДА
Қабрга белги қўйиш ёки бир жойга яқин қариндош-уруғларни бир жойга қўйиш
Қабрни белгилаш учун тош ёки шунга ўхшаш табиий, содда нарсалар қўйиш мумкин. Белгилашнинг ҳам, яқин кишиларни бир жойга қўйишнинг ҳам ҳикмати битта, у ҳам бўлса, тириклар уларни зиёрат қилишда тез ва осон давоми...
10 ой аввал 1134 fiqh.uz