Савол: Бола икки ёшдан кейин онасини эмиши мумкинми? 

Жавоб:

ولم يبح الإرضاع بعد مدته  لأنه جزء آدمي والانتفاع به لغير ضرورة حرام على الصحيح  شرح الوهبانية

Муддатдан кейин эмизиш мубоҳ эмас. Чунки у одам жузъидир. Ундан заруратсиз фойдаланиш саҳиҳ қавлга кўра ҳаромдир. («Дуррул мухтор», «Шарҳи Ваҳбония»).
Сут онанинг (қўл ёки қулоқ каби) бир аъзоси ҳисобланади. Шариат зарурат юзасидан болага бир ривоятда икки йилу олти ой (бу Абу Ҳанифа раҳимаҳуллоҳнинг сўзи), бошқа бир ривоятда  эса икки йил мобайнида онасининг сутини эмишига ижозат берган (шунга фатво берилган).
У ёшдан ўтганидан кейин бола онасининг сутини эмиши жоиз эмас, балки ҳаром саналади. Бошқа бир ўринда: «Бола сутдан беҳожат бўлиб, (овқатга) киргунича эмиши вожиб, икки йил эмиши мустаҳаб ва икки ярим йил эмиши жоиз», дейилган.