САВОЛ: Халқда эр-хотин яқинликдан сўнг бир-бирига қараб бўлмай, бошқаларни ҳам унга кўзи тушмаслиги керак, шу ҳолда ҳовлига чиқса юзини ёпиб чиқиши даркор, деган гаплар бор. Аслида қандай? 
ЖАВОБ: Жунуб кишига гаплашиши, бироз ухлаши, оғзини чайгандан сўнг еб-ичиши жоиздир.

عَنْ عَائِشَةَ قَالَتْ كَانَ رَسُولُ اللَّهِ -صلى الله عليه وسلم- إِذَا كَانَ جُنُبًا فَأَرَادَ أَنْ يَأْكُلَ أَوْ يَنَامَ تَوَضَّأَ وُضُوءَهُ لِلصَّلاَةِ

Оиша розияллоҳу анҳодан ривоят қилинади: 
“Расулуллоҳ соллаллоҳу алайҳи васаллам жунуб бўлган чоғларида ейишни ёки ухлашни хоҳлаб қолса, намозга таҳорат олгандек таҳорат олардилар”.  
Саҳиҳи Муслим.
Эмизикли аёллар эса кўкрагини ювиб ташлаганидан сўнг боласини эмизиши ҳам мумкин. Ювинишдан олдин бошқалар билан гаплашиши, бошқаларни унга кўзи тушиши, таомланиши мумкин бўлмайди, деган гаплар асоссиз, нотўғри сўзлардир.

عَنْ أَبِي هُرَيْرَةَ قَالَ لَقِيَنِي رَسُولُ اللهِ صلى الله عليه وسلم وَأَنَا جُنُبٌ فَأَخَذَ بِيَدِي فَمَشَيْتُ مَعَهُ حَتَّى قَعَدَ فَانْسَلَلْتُ فَأَتَيْتُ الرَّحْلَ فَاغْتَسَلْتُ ثُمَّ جِئْتُ وَهْوَ قَاعِدٌ فَقَالَ أَيْنَ كُنْتَ يَا أَبَا هِرٍّ فَقُلْتُ لَهُ فَقَالَ سُبْحَانَ اللهِ يَا أَبَا هِرٍّ إِنَّ الْمُؤْمِنَ لاَ يَنْجُسُ

Абу Ҳурайра розиаллоҳу анҳудан ривоят қилинади:
“Расулуллоҳ соллаллоҳу алайҳи васаллам мени жунублигимда йўлиқиб қолдилар-да қўлимдан ушладилар, у зот билан бирга юржим ҳатто ўтирди. У ердан билдирмай чиқиб, юким турган жойга келдим кейин ғусл қилиб олдим. Сўнгра қайтиб келсам у зот ўтриган эканлар. Шунда мендан “Қаерда эдинг, эй Абу Ҳирр”, деб сўрадилар. Мен узотга нима бўлганини айтиб бердим. Шунда у зот “Субҳаналлоҳ, эй Абу Ҳирр, мўмин нажосат бўлмайди”, дедилар”
Саҳиҳи Бухорий.