Аллоҳнинг Ўзига ҳамдлар бўлсин! Ортларидан Набий йўқ бўлган саййидимиз, пайғамбаримиз Муҳаммадга салоту саломлар бўлсин!.
Аммо баъд:
Ислом фиқҳи академияси 16.4.1403 ҳ. санада якшанба куни эрталаб ўтказилган еттинчи сессиясида “Шайх Шаъровийга мактуб” сарлавҳаси остида Исломга қарши қаратилган тасмалар Қувайтда тарқатилаётганлиги ҳақидаги мавзуни ўрганиб чиқди. Унда Қуръони карим маънолари ўзгартирилган. Мавзу муҳокама қилиниб, фикр алмашувларидан кейин мажлис буни номаъқул иш деб эътиборга олиб, Ислом асосларини инкор қилиш, диний шиорларни масхаралаш, очиқ куфр ва агар мусулмонман деган кишидан содир бўлган бўлса, муртадлик деб ҳисобланишига қарор қилди. Яна унинг қарорида бу номаъқул ишни Ислом давлатларидаги масъул ташкилотларга етказиш ҳам бор. Чунки, улар мавзу билан танишиб, динни масхаралаш ёки дин асослари ва шиорларига тил теккизувчиларни жазолайдилар. Аллоҳ тавфиқ эгасидир. Халқнинг энг яхшиси Саййидимиз ва Набиййимиз Муҳаммадга, у зотнинг оилалари ва саҳобаларига саловат ва салом бўлсин!
Раис: Абдулазиз ибн Абдуллоҳ ибн Боз
Раис ўринбосари: Муҳаммад Алий Ҳаракон.
Аъзолар:
1. Абдуллоҳ ал-Абд ар-Раҳмон Бассом,
2. Солиҳ ибн Фавзон ибн Абдуллоҳ Фавзон (имзо чекмаган),
3. Муҳаммад ибн Абдуллоҳ ибн Сабийл,
4. Ҳусайн Махлуф (узрини айтди),
5. Муҳаммад Маҳмуд Совваф,
6. Мустафо Зарқо (имзо чекмаган),
7. Солиҳ ибн Усаймин,
8. Муҳаммад Солим Адуд (имзо чекмаган),
9. Муҳаммад Рашид Қаббоний,
10. Муҳаммад Шозилий Найфар (имзо чекмаган),
11. Абу Бакр Маҳмуд Жумий,
12. Абдулқуддус Ҳошимий Надавий (имзо чекмаган),
13. Муҳаммад Рашидий,
14. Ливоъ Маҳмуд Шийс Хаттоб (қатнашмади),
15. Абулҳасан Алий Ҳасаний Надавий (қатнашмади),
16. Мабрук Авводий (узр айтди).
Ислом фиқҳи академияси мажлиси маърузачиси: Муҳаммад Аҳмад Қамар.
Таржимон: Абдулҳодий
Муҳаррир: Аброр Мухтор Алий.
Мулоҳаза: Бунга ўхшаш тасма, дискет, китоб ёки варақалар ҳамма ерларда ҳам гоҳида пайдо бўлиб туради. Шунинг учун улардан ҳазир бўлишимиз барчамизнинг бурчимиздир.
Шайх Муҳаммад Содиқ Муҳаммад Юсуф
