باب أركان الإسلام

2-БОБ. ИСЛОМ АРКОНЛАРИ* 

عَنْ عَبْدِ اللهِ بْنِ عُمَرَ رَضِيَ اللهُ عَنْهُمَا قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «بُنِيَ الْإِسْلَامُ عَلَى خَمْسٍ: شَهَادَةِ أَنْ لَا إِلَهَ إِلَّا اللهُ، وَأَنَّ مُحَمَّدًا عَبْدُهُ وَرَسُولُهُ، وَإِقَامِ الصَّلَاةِ، وَإِيتَاءِ الزَّكَاةِ، وَحَجِّ الْبَيْتِ، وَصَوْمِ رَمَضَانَ». رَوَاهُ مُسْلِمٌ وَالْبُخَارِيُّ 

 2. Абдуллоҳ ибн Умар розияллоҳу анҳумодан ривоят қилинади: 
«Расулуллоҳ соллаллоҳу алайҳи васаллам шундай дедилар: «Ислом беш нарса устига бино қилинган: «Аллоҳдан ўзга илоҳ йўқ ва Муҳаммад Унинг бандаси ва Расулидир», деб гувоҳлик бериш; намозни тўкис адо этиш; закотни бериш; Байтни ҳаж қилиш; Рамазон рўзасини тутиш». 
Муслим ва Бухорий ривоят қилишган. 
Имом Нававий «Саҳиҳи Муслим»га ёзган шарҳида шундай деган: «Ушбу ҳадис динни ўрганиш борасида буюк тамалдир. Унинг таянчи дир. Диннинг арконларини ўзида мужассам қилган, валлоҳу ъалам.
* Устунлари

باب من مات موحدا دخل الجنة  

3-БОБ. КИМ МУВАҲҲИД ҲОЛИДА ЎЛСА ЖАННАТГА КИРАДИ 

عَنْ عُثْمَانَ رَضِيَ اللهُ عَنْهُ يَقُولُ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «مَنْ مَاتَ وَهُوَ يَعْلَمُ أَنَّهُ لَا إِلَهَ إِلَّا اللهُ دَخَلَ الْجَنَّةَ». رَوَاهُ مُسْلِمٌ

3. Усмон розияллоҳу анҳудан ривоят қилинади:  
«Расулуллоҳ соллаллоҳу алайҳи васалламнинг шундай деганларини эшитдим: «Ким Аллоҳдан бошқа илоҳ йўқ, деб билган ҳолда ўлса, жаннатга киради». 
Муслим ривоят қилган.

عَنْ عُبَادَةَ بْنِ الصَّامِتِ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ قَالَ أَشْهَدُ أَنْ لَا إِلَهَ إِلَّا اللهُ وَحْدَهُ، وَأَنَّ مُحَمَّدًا عَبْدُهُ وَرَسُولُهُ، وَأَنَّ عِيسَى عَبْدُ اللهِ وَابْنُ أَمَتِهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ، وَأَنَّ الْجَنَّةَ حَقٌّ، وَالنَّارَ حَقٌّ، أَدْخَلَهُ اللهُ مِنْ أَيِّ أَبْوَابِ الْجَنَّةِ الثَّمَانِيَةِ شَاءَ

4. Убода ибн Сомит розияллоҳу анҳу дан ривоят қилинади: 
«Расулуллоҳ соллаллоҳу алайҳи васаллам шундай дедилар: «Ким «Гувоҳлик бераманки, ёлғиз Аллоҳдан ўзга илоҳ йўқ, Муҳаммад Унинг бандаси ва Расулидир, Ийсо Аллоҳнинг бандаси, чўрисининг ўғли, Марямга илқо қилган калимаси ҳамда Ўзидан бир руҳдир. Жаннат ҳақ, дўзах ҳақдир», деса, Аллоҳ уни жаннатдаги саккиз дарвозанинг хоҳлаганидан киргизади». 
Муслим ривоят қилган. 
(Имом Нававий шундай деди): «Яъни саломат ҳолида тезда биринчилардан бўлиб ёки жазога тортилгач  кечикиб (жаннатга) киради».

 باب شعب الإيمان

4- БОБ. ИЙМОН ШУЪБАЛАРИ

 عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «الْإِيمَانُ بِضْعٌ وَسَبْعُونَ، أَوْ بِضْعٌ وَسِتُّونَ شُعْبَةً، فَأَفْضَلُهَا قَوْلُ لَا إِلَهَ إِلَّا اللهُ، وَأَدْنَاهَا إِمَاطَةُ الْأَذَى عَنِ الطَّرِيقِ، وَالْحَيَاءُ شُعْبَةٌ مِنَ الْإِيْمَانِ». رَوَاهُ الْبُخَارِيُّ وَمُسْلِمٌ.

5. Абу Ҳурайра розияллоҳу анҳудан ривоят қилинади: 
«Расулуллоҳ соллаллоҳу алайҳи васаллам шундай дедилар: «Иймон етмиш нечта (ёки олтмиш нечта) шуъбадир. Уларнинг энг афзали «Лаа илааҳа иллаллоҳ», дейиш, энг қуйиси эса йўлдан озорни олиб ташлашдир. Ҳаё ҳам иймоннинг бир шуъбасидир». 
Бухорий ва Муслим ривоят қилган.

باب أيّ أمور الإيمان أفضل؟

5-БОБ. ИЙМОН ТАҚОЗО ҚИЛГАН ИШЛАРНИНГ ҚАЙ БИРИ АФЗАЛ?

 عَنْ جَابِرٍ رَضِيَ اللهُ عَنْهُ يَقُولُ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ». رَوَاهُ مُسْلِمٌ وَالْبُخَارِيُّ عَنْ عَبْدِ اللهِ بْنِ عَمْرٍو رَضِيَ اللهُ عَنْهُمَا. 

6. Жобир розияллоҳу анҳу айтади: 
«Расулуллоҳ соллаллоҳу алайҳи васалламнинг шундай деганларини эшитдим: «Ҳақиқий мусулмон – тили ва қўлидан мусулмонлар омонда бўлган кишидир», дедилар». 
Муслим ва Бухорий ривоят қилишган. Бухорий Абдуллоҳ ибн Амр розияллоҳу анҳумодан ривоят қилган. 

باب حبّ الرسول عليه الصلاة والسلام من الإيما

6- БОБ. РАСУЛ АЛАЙҲИС-САЛОТУ ВАС-САЛОМНИ СЕВМОҚ ИЙМОНДАНДИР

 عَنْ أَبِي هُرَيْرَةَ رَضِيَ اللهُ عَنْهُ: أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «وَالَّذِي نَفْسِي بِيَدِهِ لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ». (كَذَا رُوِيَ عَنْ أَنَسٍ رَضِيَ اللهُ عَنْهُ، وَفِيهِ): «حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ». رَوَاهُ الْبُخَارِيُّ

7. Абу Ҳурайра розияллоҳу анҳудан ривоят қилинади: 
«Расулуллоҳ соллаллоҳу алайҳи васаллам: «Жоним қўлида бўлган Зотга қасамки, ҳеч бирингиз унга отасию боласидан севимли бўлмагунимча (комил) мўмин бўла олмас», дедилар». 
(Шунингдек, Анас розияллоҳу анҳудан қилинган ривоятда жумладан шундай дейилган): «...унга отасию боласидан ва барча одамлардан севимли бўлмагунимча...».
Бухорий ривоят қилган.