Бўлимлар
| Атама номи | Атама |
|---|---|
| суфра | Суфра – хушбўйликнинг бир тури. Унинг ранги сариқ бўлиб, одатда келин-куёвлар ишлатишар экан. Расулуллоҳ соллаллоҳу алайҳи васаллам Абдурраҳмон ибн Авфнинг уйланганини кийимидаги ўша доғдан билган эканлар. |
| табаттул | Табаттул – ибодат мақсадида аёллардан четланиш, уйланмай ўтиш. |
| Абу Усмон | Абу Усмон – ровийлардан бирининг исми. |
| қассий | Қассий – зайтун поясига ипак аралаштириб тўқиладиган мато бўлиб, ўша вақтларда Мисрнинг Қасс деган шаҳридан олиб келинган; дебож – ўриш-арқоғи ипакдан бўлган юпқа шойи; истабрақ – дебожнинг қалини. Баъзилар буларни тоза ипак эмас деб ўйлаб қолишлари мумкинлиги учун ҳадисда алоҳида-... |
| тавр | Тавр – тош ёки мисдан ясалган, суюқликлар учун мўлжалланган, ичи чуқур идиш, тоғорача. |
| нақиъ | Нақиъ – хурмо ивитмаси. У майиздан ҳам тайёрланган. |
| зарнаб | Зарнаб – хушбўй ўсимлик. |
| хаттий | Хаттий – Баҳрайн соҳилидаги Хат деб аталган жойдан келтирилган найза. |
| азл | Азл – ҳомиланинг олдини олиш мақсадида эркакнинг уруғни бачадондан ташқарига тўкиши. |
| сипар | Сипар – қалқоннинг бир тури. |
| розиқия | Розиқия – зиғир матосидан тикилган узун оқ кийим. |
| мабтута | Мабтута – боин талоқ қилинган аёл. |
| укка | Укка – теридан қилинган юмалоқ меш. Унга асосан ёғ ва асал солинган. |
| урфут | Урфут – унча баланд бўлмаган, тиканли, бутасимон дарахт. Унинг шираси бадбўй бўлади. Асалари ундан еб қўйса, ўша ёқимсиз ҳид асалга ҳам уриб қолади. |
| аҳли ҳарб | Аҳли ҳарб – мусулмонлар билан тинчлик битими тузмаган, уруш ҳолатидаги ғайримусулмон юрт (дорул-ҳарб) аҳолиси. |