Бўлимлар
| Атама номи | Атама |
|---|---|
| назр | сўз бериш, ваъда қилиш, аҳд қилиш. |
| намозгоҳ | намоз ўқиладиган жой. |
| насроний | масиҳий, христиан. |
| насс | очиқ ҳужжат. Бундан мурод оят ва ҳадисларнинг зоҳирий маънолари. |
| наҳв | томон, тараф; ўхшаш, мисол; чекка; синтаксис; араб тили грамматикаси. |
| наҳйи мункар | ёмонликлардан қайтариш |
| низо | тортишув, келишмовчилик, баҳс-мунозара. |
| номаи аъмол | амаллар номаси, дафтари. Икки фаришта (Кироман котибайн) томонидан ҳар бир кишининг савобли ишлари ва гуноҳлари ёзиб борилган дафтар. |
| носих ва мансух | бекор қилувчи ва бекор қилинган; ўчирувчи ва ўчирилган. Аввалги ҳукмнинг кейингиси билан бекор қилиниши. Қуръоннинг айрим оятларини, баъзи ҳадисларни амалдан қолдириш, татбиқ этмаслик. Шу каби оят ва ҳадис – “мансух”, уни бекор қилувчи эса – “носих” деб аталади. |
| нубувват | набийлик, пайғамбарлик, рисолат; Аллоҳ билан башар ўртасида воситачилик, Аллоҳнинг амри ва истакларини, рисолатни инсонларга етказиш. |
| обид | ибодат қилувчи инсон |
| олий санад | оз ровийлар билан энг юқори табақага етган силсила |
| олти китоб | машҳур олти муҳаддисларнинг китоблари. Уларнинг иккитаси саҳиҳ, тўрттаси сунан китоблари. |
| ориф | билувчи, танувчи (Аллоҳни танувчи) |
| осий | исён қилувчи, итоатсиз, гуноҳкор. Аллоҳнинг буйруқлари, Пайғамбар алайҳиссаломнинг суннатларига риоя қилмайдиган, шаръан тақиқланган ишларга қўл урадиган шахс. |